ایس ڈی پی آئی ضلع صدور اور ضلع جنرل سکریٹریوں کی میٹنگ – بنگلور

2015-11-18

سوشیل ڈیموکریٹک پارٹی آف انڈیا (SDPI) کرناٹک کے ریاستی نائب صدر عبد الحنان کی صدارت میں آج بنگلور میں جنوبی کرناٹک، پرانا میسور، وسطی کرناٹک اور کچھ کلبرگی ریجن کے اضلاع کے ضلع صدور اور ضلع جنرل سکریٹریوں کی ایک اہم میٹنگ منعقد ہوئی۔ میٹنگ سے خطاب کرتے ہوئے عبد الحنان صاحب نے کہا کہ آنے والا سال انتخابی سال ہے، اس لیے ضروری ہے کہ پارٹی زیادہ سے زیادہ نشستیں جیت کر عوامی نمائندوں کے ذریعے سماجی انصاف کو مضبوط کرے۔ انہوں نے ضلع قائدین سے کہا کہ وہ پچھلے عرصے سے زیادہ سماجی مسائل کو سمجھنے، پہچاننے اور عوامی جدوجہد کے ذریعے ان کا حل تلاش کرنے میں مؤثر کردار ادا کریں۔ انہوں نے فوری اور عملی اقدامات کی ضرورت پر زور دیا۔ انہوں نے مزید کہا کہ پارٹی کو بوتھ سطح پر مضبوط کرنا، بوتھ پر مبنی سرگرمیوں میں تیزی لانا اور عوامی رابطہ مہمات میں اضافہ وقت کی اہم ضرورت ہے میٹنگ میں شریک ضلع صدور اور جنرل سکریٹریوں نے اپنے اضلاع میں پارٹی کے کام کی پیش رفت، حاصل شدہ کامیابیاں، اور موجودہ سیاسی چیلنجوں پر تفصیلی رپورٹ پیش کی۔ آگے چل کر، پارٹی کے توسیعی پروگرام پر بھی تفصیلی بحث ہوئی اور اس بات پر زور دیا گیا کہ جہاں پارٹی کی موجودگی کمزور یا ندارد ہے وہاں فوری طور پر مضبوط موجودگی قائم کی جائے۔ اس سلسلے میں ضلع قائدین کو ہدایات دی گئیں ریاستی جنرل سکریٹری مجاہد پاشا نے مؤثر تنظیمی نظم و نسق، بهتر کار کردگی، عوامی رابطہ اور مسائل پر مبنی عوامی تحریکوں کی اہمیت پر زور دیا۔ انہوں نے کہا کہ آنے والے انتخابات کے پیش نظر پارٹی سرگرمیوں میں مزید تیزی لانا وقت کی ضرورت ہے۔ آخر میں، اس بات پر اتفاق رائے ہوا کہ ریاست کو فلاحی ریاست – خوشحال ریاست بنانے کا خواب تبھی ممکن ہے جب پارٹی متحد ہو کر، نظم و ضبط کے ساتھ اور پوری لگن کے ساتھ نچلی سطح تک اقتدار تک رسائی حاصل کرنے کی کوشش کرے۔ ریاستی سکریٹری افسر کے آر. نگر اور ریاستی قائد رفیق (تمکور) بھی اجلاس میں موجود تھے۔