SDPI Udupi Zila ki Janib Se SIR ke Mauzoo Par Awami Mashawarti Ijlas

Social Democratic Party of India (SDPI) ki Udupi zila committee ki janib se voter list ki Special Intensive Revision (SIR) ke mauzoo par aik awami mashawarti ijlas aaj Udupi ke Purbhavan mein munaqid kiya gaya. Is ijlas ki sadarat zila sadar Janab Asif Koteshwar ne ki.

Is program mein mehman-e-khaas ke taur par SDPI Karnataka ke riyasati naib sadar Janab Abdul Hannan ne shirkat ki aur voter list ki Special Intensive Revision (SIR) ki wajah se paida hone wale masail aur un ka kis tarah muqabla kiya ja sakta hai, is mauzoo par tafseeli guftagu ki. SDPI Karnataka State Committee ke rukun Janab Shahid Ali bhi mehman ke taur par ijlas mein maujood thay.

SDPI Udupi zila ke General Secretary Janab Shamsuddin ne tamheedi guftagu ki. Stage par SDPI Udupi zila ke naib sadar Janab Hanif Mullur. zila General Secretary Janab Abdul Razzaq YS aur Udupi halqa committee ke sadar Janab Ashraf Bhav bhi maujood thay.

Is program mein Udupi zila ki mukhtalif tanzeemon aur idaron ke ohdedaar. samaji rehnuma aur muazziz shakhsiyat ne shirkat ki

Social Democratic Party of India – Udupi District