Davanagere by-election: SDPI ne Mazboot Candidate maidan mein utarne ka faisla kiya

Date: 20 March | Davangere: Davangere mein hone wale by-election ko madde nazar rakhte hue, Social Democratic Party of India (SDPI) ne ek mazboot umeedwar maidan mein utarne ka faisla kiya hai.

Is silsile mein umeedwaron ke intikhab ke amal ke tehat, Abdul Hannan (State Vice President) aur Afsar Kodlipete (State Election In-charge) ki qiyadat mein, Syed Akram (State Secretary aur District In-charge) ki mojoodgi mein, zila aur assembly satah ke qaideen ke saath musalsal meetings ho rahi hain.

Party ke nazriye, awami mauqif aur mojooda siyasi halaat ko madde nazar rakhte hue, kamyabi ke liye mozoon ek mazboot umeedwar ka elan karne ka faisla liya gaya hai. SDPI party awaam ke masail ka hal pesh karne aur samaji insaaf ke liye khari rehne wali qiyadat ko saamne la kar is by-election mein purzor tareeke se hissa lene ke liye tayyar hai.l s meeting mein State Treasurer Amjad Khan, State Committee members Faiyaz Arihant, Abrar Ahmed, Ubaidullah Kerebilchi, District President Tahir Hussain, District Vice President Rizvi Riyaz Ahmed, District General Secretary Ghouse Peer, aur deegar zila committee aur Davangere wa Harihar assembly halqon ke arkaan ne shirkat ki.

Social Democratic Party of India